حكاية الخنازير والحاكم الكبير

كان فيه بلاد بعيدة فيها ناس عايشين.. مش سعداء قوي بس عايشين.. بلدهم مش نضيفة قوي بس أهو.. عايشين.. وكان معاهم شوية خنازير عايشين على جنب وفي حالهم.. جه مرض مميت اسمه انفلونزا الخنازير.. سلطان البلد كان خلقه ضيق فأمر بقتل كل خنازير البلد رغم كل التحذيرات إن المرض دة بـينتقل عن طريق الإنسان مش الخنزير.. كبير الوزراء وشاهبندر الاطباء لم يجرؤا على مراجعة السلطان أبوخلق ضيق.. وفعلا ماتت كل الخنازير بأمر الحاكم الكبير.. فاتت شهور والزبالة اتكومت في الشوارع.. والناس اكتشفوا فجأة إن معندهمش أي وسيلة للتخلص من الزبالة غير الخنازير.. الشتاء جه وجت معاه انفلونزا الخنازير أشد من الأول بسبب البرد وكمان مناعة الناس كانت أقل بكتير من زمان بسبب كتر الزبالة.. و ............... وتوتة توتة خلصت الحدوتة